Nevo bajraripa e socialno lovenge taro 5% ka del pe baši socialno kategoria manuša. Paše 30 mile dizutne an o juli masek ka resen pobari lovengiri socialno arka so ka del len e themakoro trezoro so si an o budžeto akale beršeske. Prekal kerdi kalkulacia upral i funda taro informacie so si an o sajto taro Ministeriumi baši sociala a legaren pe ko učipa e lovengere arkake bašo 2014 berš o anglohavljardo bajraripa nane but te ovel adekvatno e dizutnenge so lena socialno.
Sako dizutno so akana lela 100% socialno so si ko učipa taro 40 eura ka resel bajraripa taro 2 eura thaj akana ka lel 42 eura. A okova so lela jekvaš jali 20 eura ka lel akana 21 euro.
Familia so gejnela duj persone a lel socialno ka lel 55 eura ka lele 2,5 eura majbut jali okola jekvaš so lena ka len paše 29 eura.
Okoja socialno arka taro 2014 berš so legarel sine paše 100 eura akale bajraripaja taro 5% ka lel plus 5 eura. Okova so lel jekvaš tari akaja suma ka len 50 eura.
Hari pobare sume taro okola so len aver forme socialno Odola sume si taro 3 dži ko 6.5 eura taro učiba e socialnoske.
