O thema aspirantia bašo EU anglal te oven kotor taro klubi, ka trubul te sikaven progreso an i inkluzia e Romenge – vakergje ko Brisel o euro komesari Johanes Han an i promocia e inicijativake “Integracia e Romenge 2020”
I iniciativa si legardi tari Europakiri Komisia , o Konsilo regionalno konekciake RCC, intergovermenteskoro ofiso ko Porcesi e konekciake taro SEECP thaj o OSI.
„Anglal te aven o thema trubul te sikaven konkretno progresi an i edukacia, buti, sastipa, kherutnipa thaj dokumentacia baši identifikacia e Romenge” – vakergja o Han. ” E Dekadaja baši Romani inkluzia, integracia e Romenge si an i politikani agenda: proketi:Integracia e Romenge 2020 ” si atesto tari Dekada e themenge taro khujbe an o EU so šaj oven lačhe rezultatia na i praktika” dophergja o komesari.
„O Roma trubul te oven prioriteti e EU-ske thaj avrial odolestar” vakergja o prezidento tari Fondacia OSI Džordž Soros dopheribaja kote oleskiri fondacia kergja but ki inkluzia e Romenge thaj sine naktarno te ćhivel pe ki agenda e Romen ko nacionalno govermentia.
O Generalno sekretari taro RSS Goran Svilanović vakergja kaj si lafi ko phare vaktia savorenge an di Utarpurabali Europa, thaj odola phare vaktia thaj čorolipa majbut reflektirinen pe upral o Roma.
„Akava regioni trubul te džal premal EU pe manušencar thaj e Romencar ma te bistren. O Proekti “Integracia e Romenge 202 legarel ki inkluzia” vakergja o Svilanović., dopheribaja ka kerel sa tari rig e RSS te tiknjarel o čćvoro maškar i romani thaj naromani populacia taro Paščimalo Balklnai thaj Turkia”.
