O protestantia si mujal o baro nivelo tari deportacia okolenge so rodena azili taro Paščimalo Balkani kote majbaro numero si Roma.
Pobuter demosktarntia so si mujal o politike bašo azili an i germania ale anglal o monumento bašo Roma thaj Sinti so sine viktimia taro Nacizmo, te vazden i gnd ki konekcia e romane rodaripaja bašo azili.
O protesto ikergja pe ko pandžtodi rakjakoro sar džovapi ko akana sig ande neve kanonia ki germania bašo baro nivelo deportacia okolenge so rodena azili taro Paščimalo Balkani kote majbaro numero olendar si Roma.
Ko oktomvri persi berš e germaniakoro govermento ko trampe pe kanoneske bašo azili dopheribaja kaj i Bosna thaj Hercegovina, Srbia, thaj Makedonia khuven ki lista sar siguritetno thema , thaj si but phari i legilativa te resel pe pozitiv okolenge so rodena azilia si taro akala thema.
Jekh berš angleder ko noemvri 2014 berš i Albania, Kosovo thaj Montenegro sine čhivde ki akaja kategoria thema . Ko maškar vakti o nivelo tari deportacia e manušenge taro akala 6 thema taro Paščimalo Balkani barilo ki paralela e 2014 berš bašo trin droma.
Jekh olendar so arkahel pe deportaciaja si thaj i 15 beršengiri Viktoria Zenkulović Veselović, romani čhaj so ali tari Srbia barabutne pe dajaja thaj phralea panda ko 2011 berš. Oj džal an i škola ko Berlin thaj sikli i germansko čhib , numa i aplikacia e azileske olenge da si irami thaj akana šaj te oven ola da deportirime ko sako momenti.
Ola ale ko demnstracie soske darana taro iraniba an i Srbia.
