But si phareste te kerel pe generalno lafi e romane gastronomiake – kujnake. Pobaro kotor taro Romna so si sakote an i lumia telel historikano religiakoro thaj aver presie ola akomodirinen pe sine. Trampa ki čhib, adetia, tradicia thaj čhani dživdipaske sine presia ko hajbe. E dživdipaskere šajdipa e Romenge ange i forma taro jabe ko Romani gastronomia – kujna.
Akate šaj te notirinel pe o formalno aspekti tari romani gastronomia – kujna. Ola vakeren nekobor diference ko tradicionalno hajbe. ko thema kote dživdinena. Sako drom šaj arakhen pe receptia so ikljona tari romani gastronomia del pe akcenti “Romane” sar so si tikvice, salate, armin thaj aver.
An i gastronomska kolekcia šaj arakhen pe pobut hape sine notirime romane anava so si kerde ko romano čhani.
O Roma si bahtale ko ple hajbe sar so si: Romani salata, šutali supa, čirba taro domatia, čirba fusuj, khanjakiri čorba, kote o Roma anvkeren la panda sar “parni čorba”
Ki romani kujna isi hajbe sar so si zarzavati thaj mas, gulašia, paprikašia thaj zorale začinime srame.
Odova hajbe keren pe ki jag jali žaro thaj ko phravde tendžere – kotlo. I paprika si majbut sar mirudia ko pobuteder hajbe , trujal o lon o biberi, i sir thaj i purum. Pobut taro romane hajba si hare jali pobut thare.
O keravdo hajbe majbut kerel pe maseathaj keren pe akala hajba: sar so si khanjakoro mas, guruvano, bakhrano thaj ko agor balano mas. Majkerde hape siu hajbaja khanjakoro thaj i tradicionalno sarma sar romano hajbe.
Jekh taro karakteristike e tradiconalno romane gastronomiake kana lel pe hurdo mas, odova nane pišimo (melimo) mas, numa keren le ko but hurde kotora. Isi jekh tikno importantno detali: an i romani tradicia o pribori hajbaske (čhingia – tanjiria) kote so keren pe o hajbe ko phravdo, ola ked si keravde na čhoren pe ko aver pribori hajbaske, numa hala pe dikretno odothar. Ki karakteristika e romane kujnake šaj te dikhel pe ki lista hajbaske kana isi meni bašo tradicionalno romano hajbe kana keren pe bare divesa- bidžukia.
Link: http://www.kuvarica.net/inter_romi/index.html
