„I resarin e filmeskoro si te iranel i sama e sasotnipaske bašo Roma kaj si mukhle thaj ko akava moderno lumia na legarel pe bari esapin olenge. Jekhutne nikana na sine notirime. Na mukhel pe lenge te khuven ko javno institucie.
Ko filmi “Nanotirimo” o autori Goran Ščekić arakhlja pe ko 30 filmia maškar 1.500 resle filmia so ka oven sikavde ko internacionalno filemskoro festivali Ekurhuleni an o Johanesburg an i South Afrika.
O šeritno akteri ki storia taro Ščekić si 12 beršengoro Rizvan Krueziu taro Berane so khelel i rolja taro čorolo čhavo so niko na notirinela len soske si Rom.
„I resarin e filmeskoro si te iranel i sama e sasotnipaske bašo Roma kaj si mukhle thaj ko akava moderno lumia na legarel pe bari esapin olenge. ” vakerel o Ščekić
O filmi “Nanotirime” premierno sine sikavdo ko Berane ko april akava berš.
O autori e filmeskoro o Goran Ščekić si scenaristi thaj režiseri . Trujal o Rizvan khelen panda i Irina Kastratović taro Berane (medicinsko personali) thaj o Milan Ščekić tari Podgorica (piloto).
I montaža si kerdi taro Aco Pejović tari Podgorica, snimateli si o Slagjan Fatić , a i fotografia si taro Sead Jašarović taro Berane.
Sa o kadria e filmeske si kerde ani lokacia Talum ko Berane kote majbut isi Roma. O filmi si finansirime tari komuna Berane.
I oficialno lista taro filmia so ka oven sikavde an o festivali an i Afrika ka ovcel havljardi ko 10 juni.
https://www.youtube.com/watch?v=yHW2rfdKHzA
