Sebepi teleperavin mujal o Roma, e hungariakiri gazeta “Madžar hirlap” si globime 850 eurencar. O autori e kolumnake , jekh taro fundavutne e legarutne partiake Fides, ko teksti notirinela lagi taro namangipa vakerela e Hungariakoro Konsilo. O žurnalisti thaj amal e hungariakere premiereske, e Romen ilustriringja e Romen džanvariencar.
I globa taro 850 eura si dendi soske o autori ki kolumna taro Žolt Baer phaglja e žurnalistengoro kodeksi. Ov hramosarja ki jekh kerdi parti an o jekh bari sine fizičko konflikti , thaj individualno manuša so kergje atako sine identifikujme sar Roma, o Baer hramosargja “O Roma si sar džanvaria thaj legaren pe sar džanvaria”.
„Baro numero taro Roma nane kadri te koegzistirinena. Ola našti dživdinen maškar o manuša” hramosargja o Baer so si paše e konzervativno Govermentea.
O Baer thaj anglutne dela sine asavke komentaria mujal i romani jekhin thaj odoleske i gazeta Madžar hirlap pobuter droma sine an o targeti taro zorale kritike.
