Sar sako nilaj ko agorutne šel berša, ki tikni diz Appleby-in-Westmorland ko utaralo paščimalo anglisko regioni Kambria taro 6 dži ko 12 juni ikergja pe o saemi grastenge ko Appleby , so khedela maškar deš thaj 30.000 manuša tari sasti Europa. O saemi majanglal si kerdo sar khedipa e Romengoro thaj travelsia , ama ko jekh baro numero avena em avera turistia.
Prekal o raporti taro organizatoria akava berš o saemi nakhljaprekal o plani thaj bizo nesave bare incidentia. O aktuelno saemeskere aktivitetia ikergje pe ko Fair Hill thaj Market Field, a majbut kocentraslno kotor ko savato ko 8 juni , em o majinteresno kotor si kana nangjarena e grasten ki len Eden. Dena pe phursakoa e majsaste thaj majbahtale em arakhle grasta em olengere gazdia te promovirinen o sasto tretmano upral o grasta.
Trujal o bikiniba e grastenge em aver artiklo konektirime odolea , ko Saemi avena em ave tradicionalno purine zanatia em profesie so keren aver instrumentia sar so si muzikakere, manuša so dikhena ko fali em avera.
Link: https://phralipen.hr/2024/06/20/odrzan-sajam-u-applebyju-najveci-romski-i-putnicki-sajam-u-europi/
