O Muriz Memić . dat taro mudardo Dženani (22) tari Ilidža Saraevo, panda našti pakjala ki verzia kote bašo meripa ooleskere čhaveske došale si trin Roma.
-O akcentirimo šoferi taro kombe, pendžarav ole, šel puti dengjum le hajbaske. Odova mange na khuvela ko šero. I policia rodela desavo kombe a havljardo si kaj mo Dženani si mudar o metalno šipkaja. Mudardo so jekhe khujbaja ko šero, a javer rigatar vakeren kaj si khuvdo taro kombe marka renault klio ili ford fiseta.
Odola šubikerde Roma , dživdinen ko pašipa kote so sine o mudaripa, thaj si mange napakjajbaske i verzia kote khuvdo si kombea, thaj kaj o Roma vakergje kaj ola si odola.
Panda jekh nalogičnost ko sa odova si kaj o Roma ko odova periodi e diveseske na palden vordon ko limoria. Akava si sa iraniba saste procedurake ko javer drom, thaj akala čorole Roma si čhivde sar šubikerde so dživdinen taro khediba sekundarno gunoj .
Pendžarav odole manušen. Odova našti ola kerena le. Ko jekh na kerel pe lafi kaj si gazimo tari riog akale Romengoro, numa akava si klasično mudaripa šipkaja ko šero me čhaveske, rigatar taro aver manuš napendžardo.
Javer rigatar tari policia vakeren kote isi len materiali taro video opservacia taro kher taro pendžardo giljavutno o Šerif Konjević, kote ko rakjutne saatia si snimimo o navodno kombe.
Link: http://www.vecernji.ba/sin-mi-je-ubijen-sipkom-a-ne-kombijem-1089575
