I Ralica Vasilevo maturanti tari romani mahala Razlog ko pašipa taro Bansko, Bugaria. Oj ko konkurso te hramosarel pe žurnalistikano esei maškar o sikle tari Bugaria an i tema ” I them kote kamav te dživdinav” taro 300 resle teme oj lelja o phursako sar majšukare esei.
I Ralica hramosargja ko plo esei thaj akava:” Kamav an i miri them, o droma te oven moderno, te na oven rupe. Savore siem jekh, ma te kera bibahtalipa e manušenge thaj savore te dživdina an o tromalipa thaj respekto”.
Ko akava konkurso bašo majšukar esei apliciringja lake i škola thaj olakere profesoria tari gimnazia kote so sikljola. O Konkurso sine havljardo tari Europakiri Škola baši uči edikacia baši ekonomia thaj menadžemnt.
Oj peske vakerela kaj sako drom, drabarel, hramosarel ko sako momenti.
Oj ki romani mahala si pendžardi sar Raci, thaj vakerela kaj mangel sa o romane čhave te džan an i škola. Oj peske vakerela kaj ko avutnipa dikhel pe sar jekh sukcesiali Romani Bugarka.
I Ralica akala dive ka kerel matursko ustavalkeriba. Vakerela kaj nane la but love te kinel peske desavi šuži garderoba, numa pakjala kote ki matursko parti ka nakhel peske šukare ple amalencar.
Link: http://btvnovinite.bg/video/videos/tazi-sutrin/momiche-ot-romskata-mahala-v-razlog-s-nagrada-za-zhurnalistichesko-ese.html
