O Šefi e Delegaciake tari EU an i Srbia, Majkl Devenport ko dikhiba ko Vranje dengja motivi e romane čhavenge te keren majbari muzikakiri edukacia.
Ov vakergja kaj o proekti “El sistemo”, so si baši muzičko edukacia e romane čhavenge , si jekh taro proektia kaskiri realizacia del arka o EU Progres ki konekcia e lokalno komunencar , kote o romane čhave šaj te buvljaren plo muzikakoro talento kote sar profesoria si tari sasti lumia.
Ko vakti tari vizita e muzičko školake ” Stevan Mokranjac” kote o proekti implementirinel pe taro noemvri persi berš vakergja kaj o Vranje si jekh taro šov dizjak an i Srbia kote ki odoja forma den suporto e romane čhavenge te konektirinen pe an o sasoitnipa.
Ov vakergja kote an i nevi faza ko konekcie EU thaj Srbia ka ovel pobut proektia taro europakere fondia.
Bahtake e programaja “El sistemo” an i muzičko škola ” Stevan Mokranjac” ko nakhle masekoja 20 romane čhave tari Vranjsko Banja, Vranje thaj Surdulica, džana sine ki muzikakiri edukacia thaj bajrakeren sine plo talenti prekal diferentno instrumentia thaj horsko giljajbe.
O proekti agorkergja ko 15 majo koncertea ko Ofisi e Askereskoro an o Vranje kote o čhave sikavgje sa okova so siklile ko nakhle masekoja.
Link: http://beta.rs/vesti/drustvo-inkluzija/31994-devenport-ohrabrio-romsku-decu-da-se-muzicki-obrazuju
