O referendumi si planirime te ovel ko 5 juni. Okola so kamen akava modelo si sa pobuter, roden o govermenti sakone pherdeberšeskere themutne te del pe leske “love” so palo kerdo danoko ka legarel minimum 2.500 frankia.
Numa e švajcariakoro govermento si mujal akaja iniciativa, soske sako berš ka trubul te arakhen 25 milijarde frankia taro themakoro budžeto. O sasto saldo so trubul te pukjinel pe bašo okola so na kerena buti , a okola so keren buti, numa len pohari taro 2.500 frankia ko masek sar plata, trubul te den olen odokhar te šaj aven dži ki odoja suma.
Okola so mangen akava , javere rigatar vakerena kaj i Švajcarioa si barvali them thaj nane dar kote našti te kerel odova. Ola akcentirinena kote šel milje bukjarne thana si an o riziko sebepi o progresi an i thenologis thaj akale “lovencar” ka ovel sar jekh forma siguriteto.
Pankete so si kerde sikavena kaj paše 40 % an i Švajcaria ka den teloikerin akale referendumeske taro akala love. I dendi suma si salde nekobor šel frankia pobaro taro limiti so si sar garancia taro čorolipa thaj si 2.219 frankia, thaj but si potele taro proseko plata ki Švajcaria so si akana taro 6.427 frankia.
