Kana o Holangjani pire vordaja dromarel sine premal Kosta del sol, jekhutne so liparel le sine kaj nekana nakhavel sine simantre sine seria taro sms – mesažia so keren lipar kaj alo an i Belgia, Franica thaj Špania.
Akava sine anglal i migransko kriza kana taro akava nilaj thaj palo teroristikane atakia an o Pariz taro 13 noemvri. Akana upral o libertasi taro manuš te phirel ko 28 thema tari Šengen zona kote o prezidenti tari Europakiri Komisia o Žan Klod Junker anavkergja ola ” jekhutne prekal i struktura thaj simboli taro europakiri integracia” si daravin taro vakti kana si kerdo o Šengen.”
Rodaripa bašo limiti ko dromaripa bizo simantre sine panda pozorale ko avgust kana o Marokanco Ajub el Hazani nakhavgja automatsko šastra prekal duj simantre ko treno Talis thaj kergja atako upral o dromarutne.
An o septembro i germansko kancelarka Merkel havljargja kaj te na sine kontrakto so ka kerel pe e migrantoncar akava rodaripa ka ovel panda majzorale. O baro numero migrantia so resle an i Europa, kergja nekobor thema (Ungaria, Slovenia a palo odova i Germania thaj Austria) te keren momentalno kontrola an o simantre. Palo odova i Švedia su udžarel sine em po 10.000 migrantia ko kurko konektiringja pe odole themenge an o 12 novembri. O Holangjania kergje duplo kontrola ko simantre ko masek septemvri. I Danska angja decizia bašo elektronsko sken e registracisko tablenge e vordonenge. O atakia an o Pariz irangje i debata.Palo odova dikhlja pe kaj e teroristen si len zorale konekcie an i Belgia. Akana i kontrola si ko majbaro nivelo, thaj anel pe salde limitirmi kvota emigrantia.
Sar ka džal majodorig ka sikavel o vakti.
