Ko palokurko ko 16 maj kana sine notirime o internacionalno dive taro uštipa e Romengoro , sar respekto ki lipar kana o Roma viktimia an o holokausto thaj herojsko uštipa e Romengoro ko konc logoro an o Aušvic.
Odoleske i organizacia Konexe ikergja demonstracie anglal o Ofiso taro EU , i kancelaria tari Europakiri Komisia thaj Europakoro Parlamento an i Čehia.
O membria taro Konexe bičhavgje mesažo anavea “Europa stop bašo subvencie farma balenge an o Leti”.
“Nane amen mujal i Europakiri Unia numa daja kritika kote e europakere strukturno fondia subvencionirinea agrarno kompanie so si an o lokacie ko thana kote sine genocido. Amen gindinaja kaj si odova apsolutno phagiba o dekreto aso europakoro moldipa” akcentiringja o Miroslav Broz taro Konexe baši Romea.cz ko vakti taro protesto.
