O majbaro thaj majpendžardo lumiakoro romano festivalo KHAMORO, si o anav so ka ikerel pe taro 29 maj dži ko 4 juni 2016 berš thaj sar o anglutne berša ka del buvli lepeza thaj sepktari taro kulturno momentia.
Ka oven an i agenda, čhavorikane programe, notirime romane persone, koncertia, galerie, seminaria, interaktivno programa thaj teatro. O KHAMORO so kerel plo 18-to biando dive o organizatoria kergje programe thaj koncerta thaj tari moderno muzika.
“O Khamoro kerel buti majlačhe te sikavel pli diferentnost thaj barvali romani kultura thaj te kerel progreso ko barabutno sadživdipa thaj respekto maškar o Roma thaj o naRoma. O Festivalo si putarde savorenge bizi diferenca taro baripa, nacionaliteto thaj jeripa. Sako šaj arakhel interesno segmentoi so ka čaljarel sa o opcie, so amenge si baro čalipa”, notiringja o direktori ee festivaleskoro tari organizacia Slovo 21‚i Jelena Silajdžić.
