Ko historikane notesia taro jekh religiakoro šerutno – opati o Teofan Homologet, hramosargja kote o Roma si notirime an i diz Armorium an o regioni Frigia paše ko 800-to berš ko vakti tari vizantisko imperatori Nikifor I, Genik kote so tromale phirena sine ki sasti Vizantia. Pobuter Romologia notirinen kaj o avgo Roma an o regioni ko dizjka Plovdiv thaj Stara Zagora.
Fakti kaj ki Bugaria sine Roma thaj ko periodi taro Krum arakhel pe ki jekh srpsko gili so sine giljavdi sebepi i viktoria taro Nikifor thaj citirimi taro P.R.Slavejkov ki oleskiri statia anavkerdi sar “Roma”: ” akharav phirno- somnakaeske tari them te kerel kruna taro rupin thaj somnakaj e imperatoreske Nikifor..”
Prekal o Slavjkov o Roma tari Vizantisko imperija sine pendžarde sar latincia so kamel te del suporto kote o Roma si tari Rismko (Latinsko) Vizantia
Fakti kote isi Roma an i historikani Bugaria šaj te akceptirinel pe o vakti taro maškar o VIII šelberšipa, thaj sar adekvatno dži avdisutno vakti nakhle 1215 berša sar ale o Roma an i teritoria an i Bugaria.
Keribaja paralela e europakere genetsko egzamplia okolencar tari India , o historičaria notirinena kote i avgo grupa Roma Roma, paše milja manuša resle an i Europa angleder taro 32 dži ko 40 generacie angleder, kotar ikljol o periodi taro 800 dži ko 1000 berša , te sine jekh generacia egalitetno sar 25 berša.
