Pobuter taro šel Roma angleder desave divesa resle anglal e policiakoro stasioni an o Prerov, Čehia thaj tromale kergje prtest te del pe akti vash doshperavibaskoro incidenti tari rig e dajekje bašo manuša so kergje atako upral lakiri čhaj, kote primal late ola kergje daravin em atako čhurikaja duj čhave. Premal o Roma atako kergje čhave tari Ukraina.
Prekal o portparoli tari policia I policia kerela rodaripa akale atakoske. “Duj jail trin čhave kergje atako e čhijake em sar so vakerel oj ola kergje em čhurikaja premal late sar daravin. Oj darandili em počmingja te del vika. Sa očhave so sine uzal late tari dar našle” vakergja akale incidenteske jekh Rom Ivan Kandrać e mediumeske Romea.Cz. so sine odoriga. I daj e čhijakiri palo odova geli ki em manglja te del mujalkanonikano akti ama sar so vakerela oj, I policajka počmingja te teleperavel I sasti situacia. Premal o Kandrač I komunikacia e plicajkakiri primal I daj e čhajakiri sine saste naprofesionalno.
