I kanadsko policia angleder desavo periodi arakhlja duj romane ungarsko familie so dživdinena an i Kanada ilegalno palo olengoro rodaripa bašo statusi sar azilantia so sine irame.
Duj kurke palo odova ola si ki lista bašo deportacia aeroplanea baši Ungaria kote o Roma arakhen pe buvleste dikriminaciaja thaj rasizmi.
Kana olakoro rom thaj čhavo sine astarde tari policia, i Lakatoš thaj olakiri 17 beršengiri čhaj Djilda korkoro ale an o policakoro stasioni te notirinen pe. Ola valjani ko štartodi te oven deportirime aeroplanea numa ola ko dujtodi dengje aplikacia – molba te čhinavel pe i deportacia taro humanitarno forma.
“Darav te iranav man an i amari them soske isi but rasizmo “, vakerel i Djilda an o presi ko Montreal. “Kamav te ačhovav akate te agorkjerav mli edukacia. Akate isi man majlačho dživdipa, kote nane rasizmo thaj isi man but amala “.
Angleder butder beršencar sine maltretirime tari rig e ungariakere policiatar , i familia an i Kanada ali ko 2011 berš rodibaja statusi sare azili, akcentiringja i Katalin Lakatoš. Oj vakergja kote olakoro majphureder čahvo korkoromudargja pe ko 2004 berp kana sine but maltretirime tari policia an i olengiri biami diz.
O Romano minjoriteti si targeti tari buvli diskriminacia thaj eskalacia taro rasizmo an i Ungaria kote prekal o raporto taro 2014 berpš isi baro thaj buvli forma terori upral o Roma kote o raporeti si kerdo tari rig e Harvardsko školake bašo phravdo sastipa.
I korkoro familia vakerel kana apliciringje azileske ko 2011 berš vakergje kote e Romenge majzarurutno si te del pe lenge odova statusi majbut taro aver nacionalitetia.
