Persi kurko ko rakjakere saatia kerel pe rodaripa palo Branko Bogdan (34) thaj i Slagjana Kalajnoš (32) so khuvgje ko derivacilsko kanali trujal i len Drava ki mahala Družbinec , komuna Petrinjec trujal o Varaždin.
Ko pani khuvgje ko than kaj si utrali rig e pirthake ko derivacisko kanali ki Družbina thaj akanaske nahavde faktoria persi kurko ko 19:30 o saati. Olencar sine panda jekh murš (37) kote so pelo ko pani, numa ova reslja te ikljol a o Branko thaj o Slagjana našavdile thaj rodela pe o than.
O vice kriseskoro obdusmani tari komunaVaraždin dengja dekreto te kerel pe rodaripa thaj karana e incidenteske thaj sar odova trin manuša arakhle pe ko panja taro kanali . O manuša so džanena e rome thaj e romnja tari paše romani mahala Strmca Podravska vakeren kaj i bibaht uli namangle kote jekh taro murša gelo te kerel nužda.
-Džana sine grastane arabaja prenal i mahala trujal o kanali thaj jekh olendar hulilo te kerel nužda, pelo ko kanala, thaj o rom thaj i romni mukhle pe pali leste te ikaven ole – vakerel bašo mediumia paše familia e Bogdaneske thaj e Slagjanake.
O Branko Bogdan si biame ki Strmca Podravska ko 5.2.1982 berš a i Slagjana Kalajnoš biami ko 8.8.1983 berš. O duj da si themutne e Hrvatskake thaj dživdinen sine ko Dolna Vratna.
Palo našavde intenzivno kerel pe rodaripa e tereneske kote than len i policia thaj aver manuša.
