Vrtni Put, Dumovec thaj Struge si trin taro barabutne 25 romane mahale an o Zagreb kote isi Roma thaj ko dikhiba e lokalno legaripaja te šaj dikhen o kvaliteti e dživdipaske taro majčoroli populacia an i šerutni diz e Hrvatskake. Ko Zagreb oficialno isi 2.000 Roma , numa isi asavke so nane notirime sar dizutne odothe thaj olengoro sasto numero si šaj trin droma pobuter. Pobuter olendar dživdinena ko bilačhe dživdipaskere šartia sar so si infrastrukturno nanipa thaj odova si pani, elektrika thaj kanalizacia.
Palo 25 berša taro biathinalipa e themake isi panda Roma so nane len ni jekh validno dokumento so si o majbaro problemi. Odola Roma si dizutne an o Zagreb thaj dživdinen izolirime an o romane mahale korkoro thaj mukhle. Neko olendar arakhel po desavi buti baši egzistencia, numa pobaro ktor olendar panda anne socializirime thaj olengere čhave na džana ni ki škola.
Pakjala pe kaj o lokalno legaripa ka len adekvatno aktia, te šaj arakhel pe desavo čhani bašo fundavno šartia dživdipaske thaj funkcioniripa thaj regulacia o statusi sar Roma te šaj ovel len sa o niamia sar so isi e aver themutnen tari Hrvatska.
