Palo saste ofto berša, thaj “apstinencia” taro duj alusaribaskere ciklusia , telal i linia “Roma” palem si len plo membro an o lokalno parlamento.. Ko akana ikerde alusariba hangoncar taro ple elektorati o Kenan Rašitović legarutno an i lista thaj vice prezidenti an i Unimi partia e Romengiri, kote angleder duj berša taro pasivno momento uli aktivno . Ko pučiba so si importantno oleske thaj e Romenge taro Bujanovac o iraniba e romane mandateske an o lokalno legaripa tari diz ov akcentirinela: ” odova si but šukar amenge so khevgjam an o lokalno legaripa, trujal so isi amen salde jekh mandato, ka ova an i koalicia okola so ka legaren i lokalno govermento te šaj faisalkera o romane problemia so isi e Romen deceniencar.
Šaj sine ko vakti taro alusariba te kera panda jekh mandato soske taro realno 2.000 aktivno romane hangia, iklile salde 800 kote jekh kotor olendar sine manipulirime thaj na reslem te la panda jekh mandato thaj te ovel amen dujt hana an o lokalno legaripa.
Džanaja kaj i komuna Bujanovac si čoroli komuna thaj o love aven taro republikakoro kasiero. Trubul te respektirina e themakere institucien thaj olencar an i konekcia šaj te resa realizacia tari amari programa. Pakjaja kaj i them da ka ovel ola sensi amare problemenge thaj ka haven amare prioritetia tari romani jekhin, a odova gndinav amjanglal e terne generacienge kote ka phraven pe neve bukjarne thana so ka ovel majšukar ekonomikano prosperiteto thaj politikano stabiliteti an o akava regioni.
