„Ko tumendar ka dikhel nesavo bibahtalipe, neka čhinavel ole: Majanglal vastencar, palo odova čhibjaja, a te našti vastencar thaj čhibjaja , tegani vilea” vakergja o pejgamberi o Muhamde a.s. sangčeder but berša.
Ko nakhlo periodi e rusiakiri propaganda zoraleste manipulirinel sine e religijaja ko konflikti em opravdipe o mariba e Ukrainake, Ama o notirime citati si fakti kaj I religija na akharel o bilačhipa , numa akaharel ko tromalipa, tolerancia thaj sadživdipa.
Avdive sem tasdivia- svedokia tari bibaht, maripa, seksualno teroro, pervade khera , hramisa, hospitaloa, škole, gartenia…numa trujal odova bibahtake ki amari them si panda so kamen e Putin so den le suporto em relavitizirinen odoja bibaht upral o manušipa.
O Putinistia sasto vakti relativizirinena I rusko agresia odolea so sine “sekirime” “ soske na liparel pe I Siria, Palestina, Avganistan”
Odola si okola so sine kontra avipa taro avganistansko migarantia em khedena sine signature vash nesave imaginarnoo kampoa!
Amari manušikani savala sit e čhinava akaja bibaht taro Putin bizi diferenca tari etnikani, religiakiri , profesionalno thaj aver nivelo.
Amen tari akaja distance siem kontra taro putineskiri bibaht amare majzorale šastraja a odova si o hramosardo lafi , vakeriba o čačipa, em kontra o deziformacie.
Trujal I zorali rusko propaganda ama siam svedokia taro heriozmo ko manuša tari Ukraina so nange vastencar marena pe dejbaja pire dživdipa salde te arakhen piri them , em o digniteto.
Diferencijaja taro ukarinsko heroia o dživdipa taro rublje so merena baši Ukraina so si moldime kobor jekh bunda.
O kale rusko udovice trubul sine em tea san anglal o kamere tari rusko propaganda te vakeren kaj si čače čale taro dendo suporto taro Putin. Kobor si odova bari mizeria jekhe dćivdipaske kana dikhe le sar jekh bunda! O heroizmi taro ukrainsko nacia vakerel kaj o tromalipa nane le moldi!
Link: https://civilmedia.mk/muratov-zhivot-vreden-kolku-edna-bunda/
