Ko 7 april 1990 berš, ko IV. Lumijako romano kongresi, anelape decizija baš “Romani Alfabeta”, savi sine bahanikerdi tari rig e Komisijake bašstsndsrdizscija e romane čhibjake. Ki adaja decizija vashramongjepe 17 džene, maškar lende romane lingvistija thaj džene bare džanlipaja: Šaip Jusuf, Marsel Kurtijade, Rajko Džurič, Ian Hankok thaj sar prezententi taro UNESCO, Viktor Koptikov.
Ko 1992 berš, telo arkadendo e Ministeriumeske baš sikljovibe, ikergjape generalnikani konferencija baš o xali e romane čhibjake thaj lakoro istemalkeribe ko sikljovibe. Tegani, angjepe thaj o fundavne principija baš kodifikacija e romane čhibjake ani them Makedonija.
Ko 1998 berš, ikljovela o avgo romano – makedonijakoro thaj makedonijakoro – romano lavzako taro autorija Trajko Petrovski thaj Bone Veličkovski.
Ko 2015 berš, UNESCO, angja decizija o dive 5 noemvri te ovel Sathemengo dive e romane čhibjako.
Ko 7 noemvri 2019 berš, kerdi si promocija e lileske Gramatika e romane čhibjake taro autorija, Ljatif Demir, Fatima Demir thaj Nevsija Durmiš.
