I Hristiansko religiakiri jekhin ” Jehovino svedokia”, kote akala organizacie si ko upreder 240 thema an i lumia thaj gejnela 8 milionia manuša, akava berš plo beršeskoro mitingo ka ikeren la ko Skopje, R.Makedonia taro 1 dži ko 3 juli. O than kote ka ikerel pe o Kongresi si Skopsko Saem – Metropolis Arena. Ki Makedonia olengoro numero legarela paše 1.300 manuša. Ko akava trin divesengoro Kongresi anavkerdo si sar: ” E pativalea, ov pativalo”.
Maškar o javer teme so si bašo o čhave, terne, famile thaj phureder manušenge ka oven dende antvortia ko pučiba: – Soske o Devel udžarel te ova pativale? – Soske i pativ lačharel amaro dživdipa? – Sar o Devel ka ovel pativale premal amende?
Premal o organizatori sa o lafikeriba si upral i funda tari Biblia. O khujbe si bilovengoro thaj šaj aven sa okola persone so mangena te zapendžaren so čače sikavela i Biblia thaj sar šaj oj te kerel trampe an o amaro dživdipa. Resarinaja te šaj informirinen pe pobuter o manuša an i sasti lumia, ka oven organizirime thaj akcie taro akharina (ekstra invintacia) so an i Makedonia ka startujnel taro 11.06.2016 berš.
