Bašo trin masekoa napendžarde Vandalia phagle deš spomenikia em zijankerde limoriakere thana ko romane limoria ko Leskovac so si ko kompleksi Svetoilsko limoria ko Jajnski put. O Osman Veselovič bašo Rominfomedia vakerel kaj e limoreskoro spomeniko tari oleskiri romni sine phagerdo duj droma. “ Angleder nekobor masekoa o vandalia zijankergje I limoreskiri ploča em phagle I keramičko slika , pa trubul sine te kerav aver slika , te lepinav em te reparirinav , ama ake angleder desave divesa palem zijankergje , a akana notiringjum em dži ki policia ko Leskovac” vakerel o Veselovič.
Ov vakerel kaj asavko zijankeriba ko limoria kerdo si em ko aver deš spomenikia thaj rumime si e limorengere thana. Te vakera kaj ko 2021 berš ko odola limoria o čora taro biš limoria ikavgje oo sastrnale ograde em udara , mesingano bukve em vazne thaj odoova da sine notirime an I policia. Dži avdisutno dive panda na džanela pe ko kergja akala aktia.
