O Legia Paterson, Rom biznismeno thaj aktivisti tari Germania hazrkerel nevi idea thaj proekto – Romane ID karte. Premal o Legia akaja idea ikljol prekal o modaliteti taro ID karte so isi e Sinti an i Europa, kote asavke ID karetncar ko ple thema kote so dživdinena si mukhle te na pukjinen o režisko thaj komunalno takse. Premal o Paterson, o ekonomsko situacia buteder Romenge an i Europa thaj an i lumia si but bilačhi thaj akaja idesa si te kergja pe realizacia sar benefit so trubul te ovel e Romen. Ov akcentirinela kote o Romane ID karte ka lokharel o finansiko budžeto e romenge kote si len but problemia finansiencar ko thema kote so dživdinena.
Ov ko sig vakti havljarela aver da proektia so ka kerel zori te lačharel pe i situacia e Romencar ko sa i lumia. Sar so vakerela isi le sa majbari pakjiv thaj respekto maškar o Roma, kote e Legia Paterson dikhena le sar avutno romano lideri. Te notirina kote ko akana sig vakti ki jekh Romani Party an o Dizeldorf sine promovirime sar nevo Romano thagar. Ov thaj oleskiri organizacia ” Paterson Family Brotherood Nomads”, sar so akcentirinela ka kerel sa te resel i pakjiv thaj o respekto maškar o Roma so pakjan ko oleskere aktivitetia, proektia thaj idee. Ov kerela baro zori thaj kapacitetia sar so vakerel o Paterson ko internacionalno institucie te kerel realno i realizacia e proekteske Romane ID karte thaj ko javer avutne idee thaj proektia.
