Home Uncategorized Romani tradicia – Herdelezi

Romani tradicia – Herdelezi

34
0

Jekh taro majpendžarde tradicionalno bare divesa e Romenge taro Balkani si o Herdelezi. Interesno si so akava baro dive kerel pe thaj maškar o Roma so si hristiania thaj muslimania

Ov si ko 6 maj ko jekh dive kana kerel thaj o dive taro Sv.Gjorgji sar svetco maškar o hristiansko ortodoksno Roma.

 

Ko muslimansko Roma akava dive konektirinen e Herdelezi  so avel taro khirano lafi Hıdrelez so si miksi taro hızır thaj Ilia. Premal i legenda ko kerdo mitingo mašlar o pejgamberi Hızır (arapsko: El Kadr  – “čajralo – harialo “) thaj o proroko Ilia ko 9-to veko so sine notirime o starti taro nekana baro utsavalkeripa e khorane anglonilaeske.

O barodive Herdelezi startujnela taro 5 majo an o javinakere saatia kana čhinen e hajvanen (majbut bakhre). O baro dive kerel pe ko diferentno forma maškar o duj religie, numa i poenta si jekhutni identično – avipa e nilaeske. O ortodoskno Roma džana an i khangiri tharen momolja, lena pani khangirakoro thaj čhiven salčina – granke taro kašta ko udara thaj an o khera so den simbolo taro nevo dživdipa thaj anglonilaj, pakjivaja ko sastipa, baht thaj aver. O javer Roma trujal so čhinen e bakhre čhiven salčina -granke taro kašta ko khera thaj keren le pobut taro tradiconalno aspekti, sar tradicia taro lengere phure.

O herdelezi kerela pe 4 divesa, kote ko 9 maj bizi diferenca savi religia si ikljon barabutne savore ko piknik, hajbe thaj pijbe ko ple khera jali avrial ko pendžarutne piknik thana.

 

LEAVE A REPLY

Please enter your comment!
Please enter your name here