Biamo an o Kumrovec – Hrvatska ko 7 maj 1892 berš o J.B.Tito ulo ko periodi so alo , jekh historikani persona so averendar sine vazdime an o piedestali dži kote taro aver sine negirime thaj kritikujme. Saste 35 berša sine prezidento thaj majučo komadantno an i SFRJ , thaj dži ko oleskoro meripa ko 4 maj 1980 berš an i Ljubljana. Dži kote aver oleste dikhen le sine sar baro lideri, , javerendar sine kritikujmo sebepi totalitarno režimo thaj oleskoro kulti sar persona.
Ko oleskoro parunipa an o 8 maj an o Beograd ko 1980 berš than lele 200 uče lideria prezidentia, premieria thaj aver taro 127 thema an i lumia
Save sine o majpendžarde citatia taro Tito ?
„Keraja buti sar ka dživdina 100 berša, a te ova hazri sar tajsa ka ovel mariba”
„Amen devriali taro rata dengjem bašo pharlipa thaj jekhipa amare naciake. Nane nikaske te mukha te keren buti andrak, thaj te peraven amaro phraliupa thaj jekhipa”
„O phralipa thaj o jekhipa ka ovel salde maškar okola so si jekh a jekh”
„Sako revolucia si moldime odokhare kobor siem hazri te bajrara olea thaj te arakha ola”
„Kerav but buti, odoleske nane man vreme te phujrovav”
„Te ovel tut maro, thaj sa okova so trubul sakodiveskere dživdipaske, si te oven independientet – biathinalo tari nesavi avrutni rig”
„Bahtali si okoja them so isi la asavke terne manuša”
„O terne manuša valjani te oven okola so ka seinen o phralipa maškar o manuša an i akaja them, oj na valjani te mukhel te ovel šovinizmi, thaj o namangipa taro jekh nacia ki aver nacia”
