“O Roma an i Europa si len deš berša potikno dživdipaskooro veko thaj majučo nivelo mortaliteti ko tikne čhave diferencijaja taro avera” – akava si andi konkluzia taro aktuelno raporto manušikane niamenge, kote so akharena pe o političaria te šaj len nesavo aktiviteto.
O Roma thaj o Sintia si majbaro minjoriteto an I Europa thaj si ki majbilačhi pozicia, Akava notirinela thaj o nevo raporto so dokumenntirinela o faktia e romane jekhinake an I Europa. O raporto editiringja e Europakoro netvorko taro romane organizacie ERGO a akana sig sine prezentirime tari švediakiri političarka I Soraja Post . Oj sine nekana em europakoro deputati ko Europakoro parlamenti ko period 2014 – 2019 berš. Oj si akna membro an o netvorko ERGO so uninela romane organizacie taro trianda thema.
O akanutno raporto taro ERGO sikavela kaj ko sastipaskoro sektori e Romen nane len tretmano jekh a jekh sar e averen. Si olen hronično nasvalipa a sako štarto Rom nane le sastipaskoro siguriteto. Akala informacie aven taro nacionalno studie thaj zojrakerena kaj o Roma si len majpahreste akcepcia dći ki sastipaskiri protektiva ko desave thema tari EU.
