O Roma tari mahala 12 Februari an o Niš , so efta masekoa si bizi elektrikani energia avdive kergje protesto an o Beograd anglal o Ministeriumi baši energetika thaj mineralia.
Premal o beogradsko mediumia , o reprezentoa taro Khedipa e Romengoro “Opra” an I Srbia thaj tari akaja mahala kergje lafi bašo arakhiba parcialno faisali ko dikhiba e šeficaja taro Ofiso e ministerkakoro baši energetika I Dubravka Gjedovič.
Premal o vakerina taro o pregovaračia reslja pe dći ko jekh parcialno faisali te konektirinen pe ki elektrika ko rook taro efta dži ko deš divesa a o kontaktia ka džan majodoriga ko avutne šov masekoa te resel pe savakteskoro faisali .
I Jelena Reljič ki mediumsko konferencia vakerela kaj I organizacia Opre Roma so organizoiringja o avdisutne protestoa ka dikhel I sasti situacia thaj sara valjani ka reagirinel.
Ki niško mahala 12 Februari si kher taro 24 familie so efta masekoa nane len elektrikani energia . Lungo vakti bizo sukcesi kerena napia te faisalkeren akava problem.
