Zorale demonstracie maškar preperutne tari Romani jekhin thaj I policia sine ko palokurko ki dujto diz primal baripa o Solun , kana 16 berđengoro Rom sine phajrardo taro jekh policajco.
Paše 1.500 demonstrantoa ko droma taro Solun phagibaja izlogia thaj frdibaja molotovo koktelia primal I policia kote oj frdel sine šok bombe premal o demonstrantia.
O tinejdžeri Rom ko momenti si ko kritično hali , vakergje taro hospitali kana ko palokurkoo ko javinakere saatia sine phajrardo pištolea taro jekh policajci . Premal e nacionalno televizia TV ERT , o terno pherggja benzini kop lo vrda ko benzisko stasioni ko pašipa taro Solun thaj gelo peske bizo te pukjinel. O bukjarno taro benzisko statsioni notiringja kaj nađlja thaj na pukjingja 20 eura.
O policajco so phajrargja akana si astardo thaj suspendirimo tari buti vakeren tari policia ano Solun.
Ov ko dujtodi iklilo anglal o solunsko kriso kote si došperavdo kaj manglja te kerel mudaripa taro nebrižnost.
Taro informacie vakerena kaj o Rom tinejdžeri manglja te kerel sudir e policijaja so chidingje pali leste motorencar da bi ma te astaren len.
O policajco phajrargja duj droma te šaj čhinavel o atako so sine ko motori panda jekhe policajcoa.
Trujal so o anav e viktimeskoro na sine notirime I familia identifikujngja le sar Rom. Ko 2021 berš panda jekh terno Rom sine mudardo tari policia ko psšipe tari Pireja.
