O rusko askeri egzekutiringja 28 Roma ki okupirimi ukrainsko teritoria, notiribaja kaj ola toksiringje grupa rusko askeria votkaja. O ukrainsko ministeriumi arakhibaske dengja raporto akale incidenteske upral I funda taro telefonsko lafikeriba jekhe rusko askereske.
Ko odova telefonsko lafikeriba o rusko askeri vakerel pe romnjake bašo sa bilaćhe bukja so ovena ki okupirimi teritoria taro o rusko askeria . “Džane li savo haosi isi akate? E askeriskiri policia akana sig egzekutiringja 28 Romen , čhivgja len trujal o duvar em egzekutiringja olen soske dengje votka amare askereske em toksiringje sasti četa” vakerel o rusko askeri.
O rusko askeri dopherela kaj I 96 dženengiri grupa rusko askeria , kote pohari taro 50 ačhile dživdie kana konsumiringje votka , vakerela o Džulijan Kondur tari organizacia Čirikli tari Ukraina so notiringja akava incidenti e srvereske informacienge Romea.cz.
