Amendar o manuša našena sar te siam vampiria – vakerel o rom thaj romni i Lidia thaj Jugoslav Bančić taro gav Kacabač, kote si zojrakerdo kaj isi len HIV virusi.
Ofto dženengiri familia Bančić si jekhutni romani familia an o odova gav kote isi paše 350 khera. Sa dži kote o Jugoslav (40) thaj i Lidia (35) na nasvalile ple komšiencar Srbliencar sine len lačhe konekcia. O bibahtalipa startujngja angleder 10 berša kana iklili i informacia kote o Jugoslav nasvalilo, a i Lidia si la virusi HIV.
– Taro odova momenti pa sa dži ko avdisutno dive dživdinaja ki sasti izolacia. Dži ki dukjana na troma te dža, frden barencar pali amende, o dukjandžie kana dikhen amen phanen o udara. Thud thaj maro kinaja ko Leskovac kote so na džanen amen. O čhave si amare izolirime an i škola, o doktoria chiden pe amendar. Angleder desavo dive o doktori taro čhavorikano hospitali an o Leskovac frdingja amen tari ordinacia, thaj namanglja te vakerel amenge sostar tano nasvalo amaro čhavo, – vakerel o Jugoslav kote thaj i Lidia si telel konstantno terapia.
– Amen siem jekhutni familia an i Srbia kaskere čhave nane inficirime e HIV virusea , sar ko dojakoro vogji , agjaar thaj kana biandile. Kera sine premal o dende lafia taro doktori, nakhlem sa o praktike thaj si man sertifikati sar edukatori. Numa amare komšienge našti te dav fakti kote i Sida si nasvalipa so šaj astarel pe salde prekal seksualno kontakti – vakerela ov
– Ki jekvaš i rakj, barencar phagle amenge sa o džamia. Jekh dive alo mange prekal o šero sa, leljum 500 hapia thaj mangljum te pijav olen thaj te merav. Numa bahtake, jali bibahtake, o doktoria kurtalingje man taro meripa. – vakerel i Lidia kote ko kher kaj so dživdinen si but lačhe higiensko šartia.
I Familia Bančić resle oficialno lil – dekreti kote tergjol kaj na mangen len ko gav, kote signatura isi thaj taro gaveskoro šerutno ko Kacabač.
Sako fizičko atako si notirime dži ki policia, numa o manuša so kergje akala atakia nikana na sine astarde thaj arakhle.
O direktori ko hospitali an o Leskovac Nebojša Dimitrijević vakerel kaj i familia Bančić vazden korkoro i tenzia. Sare džanen akale familia, thaj savore manga te da olen arka. Numa olendar rodaja thaj ma te keren pobut konfliktia e doktorsko personalea.- vakerel o Dimitrijević
Link: http://www.blic.rs/vesti/drustvo/ovo-je-najsramotnija-potvrda-koju-je-srbija-ikad-videla/xkq10fy
