Pali havljarin tari veriga kinobikiniba tikne bebencar ko savato i policia geli ko indiakoro hospitalo “Palaš”. O akti si dendo anglal o krisi kana o menadžmenti akale hospitaleske notiringje našavipa taro duj bebia.
I faravdi “Farma bebenge” arakhli si an i India kote o nakamle nevebiande bebia bikinen pe bašo 1.000 funte havljarel o “Times of India”.
O čhave so si biame maškar o jeria so nane an i prandin jali kana si kerdo sar seksualno atako upral o daja, bikinen pe ko privatno hospitalia bašo posvoiba “Palaš”.
Kerdo si kriseskoro akti mujal pandž manuša, konektiribaja thaj e direktore taro hospitali so si došakjerdo kaj kinena sine thaj bikinena sine persone sar robia thaj prostitucia.
Guj bebia si kurtalime an i akcia e policiake , thaj trin si bikime , bašo paria so našti ovel olen čhaven, vakeren tari policia.
– O dovogjende džuvlja vakergje e doktorenge te keren abortusi, numa ola vakergje kaj bizo dukha ka bianenm thaj niko nane te džanel – vakergeč jekh policisko bukjarno.
„Kana o bebe bijangjovel i daj džal peske taro hospitali, a o hospitali rodel perfektno pari so ka kinen e bebe” vakeren tari policia.
– Alarmantno si kote e sastipaskere bukjarne so trubul te keren majprofesionalno buti legaren pe taro lovengoro motivo thaj benefiti. Akava nalegalno bizniso trubul te čhinavel pe. O posvoiba e bebenge trubul te ovel transparentno thaj aso o kanonia thaj majšukar e bebeske thaj e jerienge – vakeren taro internacionalno ofisi “Jena”. I policia majodorig rodel manušen jeria so kinena sine asavke bebia, jali bikinen len sine.
