“Edukacia Igor” refelktirinela i storia taro 31 beršengoro Rom, so angja decizia te kerel džiedukacia ki maškarutni škola. O Hudak thaj oleskiri phen ničale džana an i lokalno jekhin kote sikljona Romane čhave. I resarin si te lačahren o dživdipa an i mahala, so isi la but problemia sar so si i apatia , phravdo rasizmo, lingvistikane bariere thaj o trujalipa so dena pe ko tikne jali maškarutne firme, havlajrel o mediumi.
“O filmi nane salde mange numa e saste mahalake” vakerel o Hudak so si pendžardo sar Igor., sar so si citirime tari rig e terne thaj sredno firme .”Pakjava kote o manuša so ka dikhen akava filmi, ka trampinen pli gnd amenge”.
Palo abglutne kerdo atako upral olste tari lokalno policia , a teloikerdo tari pli phen i Irma , o Hudak angja decizia te iranel pe an i škola. Ov kerel te doeducirinel pe , kote ka šaj pe phenjaja e Irmaja sar akredirimo edukatori kote ka kerel buti e tikne čhavencar tari odoja lokalno čoroli mahala, akcentirinel pe an o veb sajto tari Al Džezira.
“Edukacia Igor” dela opservacia bašo izolirimo čorolo lumia an i Slovakia e romane jekhinake . Ola but droma si izolirime thaj čhivde telal diskriminacia anavea “Cigani”. Akaj si storia e Igoreske thaj oleskere phenjake so kerena zori te istemalkeren i edukacia baši trampa an o avutnipa e čhavenge tari lokalno jekhin” akcentirinen an o veb sajto.
O dokumentarno filmi si havljardo sar kotor e epizidake ” Tasdivia” an i Al Džezira lkote sniminen nekaskoro dživdipa, te šaj o aver olen trampa ki gnd olengere dživdipaske” – hramosarel o MSP.
