Ko lokalno alusariba dizjakere šerutneske ki komuna Šuto Orizari legargja pe interesno dueli. Palo gende hangia ko sa o 36 alusaribaskere thana ki teritoria e komunake Š.Orizari taro TAK sine havljarde akala rezultatia.
Ferat Asan taro SDSM 3.280 vote jali 37,18%
Kurto Duduš LDP/DOM 2.246 jali 25,46%
Tefik Mahmut tari Levica 1.374 jali 15,58%
Gege Demirovski „Reom Romeske„ 535 vote jali 6,07%
Halit Iseni DPA 508 vote jali 5,76%
Prekal akala informacie taro TAK ki dujto rota ka džan o avgo duj džene so si len majbut vote o kandidati Ferat Asan thaj Kurto Duduš. I dujto rota si ko 31 oktomvri. Ko sabarabutno numero vote notirime si baro numero navalidno listria so si paše 10% jali saste 878 navalidno taro barabutne 8.821 so denge piri vota.
