O avgo romano vicemembro an o Turkiakoro govermento, Ozdžan Pursu irangja i sama an i konekcia e čhinavibaske i diskriminacia mujal o Roma akcentea ko problemia an i edukacia, sastipa thaj jekhutno avipa an o marketi bukjake. Ov notiringja kaj o respekto premal o Roma ko Interenacionalno Romano dive ko 8 April sako berš, te kerel pe efikasno politikani akcia , ko than “čuče lafia”.
“Resen mange but reakcie sar so si ” An i aplikacia bukjake , vbakergje kaj na mangen Rome an i buti”, ” Siem sine an o hospitali, numa na dengje amengje o zarurutno tretmano an i sastipaskiri kontrola” jali ” Amare čhave bešen ko palune redia ko škole”, akcentiringja o romano vicemembro tari opoziciski Republikansko nacionalno partia (CHP) an o intervju e portaleske Bianet.
“Resarinake akale problemge so si la ko buteder forme trubul te kera zori te bajrarel pe o numero taro educirime Roma so ka keren buti ko themakere institucie” vakergja o Pursu.
O Pursu vakergja kaj kergja jekh studia kote lelja than a sine kerdi rigatar taro Univerziteti an o Mersin thaj i mediteransko asociacia tari Romani federacia kote sikavgja pobaro kotor profesoria so keren buti ko škole ko romane mahale, palo jekh berš roden te ikljon taro odola škole.
“Akava si but seriozno problemi. O profesoria so kerena buti ki škola kote o sikle si Romane čhave valjani olenge specialno edukaciakoro programo thaj plani thaj te čhivel pe agor e diskriminaciaja ko akala škole”, dopheribaja kote akale problemeske dikhlja pe e legarutnencar ko akala škole palo šunde problemia tari rig e manušendar taro odola thana.
