Ko pervazia tari notacia e 77 berša taro majbaro thaj majpendžardo genocido kote upreder 3.000 Roma sine likvidirime ko nacistikanio kampi Aušvic – Birkenau, ko periodo taro 31 juli dži ko 2 avgusti 1944 berš ko Parlamenti tari republika Utarali Makedonia piri prezentacia sine e deputate Ljatifa Šikovska so olaja sine em reprezentoa taro Netvorko bašo sistemsko thaj savakteskere faisalia . Oj ki piri prersentacia anglal i Interparlamentarno grupa tari Republika Utarali Makedonia thaj o avera ppotenciringja thaj zapendžargja olen akale bibahtalipaja thaj o terori so si kerdo upral o Roma ko vakti taro germansko nacional socijalzmi . Ko odova konteksti sine presentirime em o dokumentarno filmi
„Del-Rota-Phuv“ ki produkcia tari SP BTR thaj olakoro autori so si šerutno koordinatori tari Netvorko bašo sistemsko thaj savakteskere faisalia thaj presidento ki Internacionalno Romani Unia – IRUZ o rajo Zoran Dimov.
Ko korkoro dojkumentarci sine sikavdo o kotor taro Romano Holokausto kote ko odova periodo sine mudarde paše 500.000 Roma thaj Sinti.
