An i Kosovakiri Mitrovica an o multietnikano kotor anavkerdo sar Mikromahala avdive ko objekti so si kerdo isi 6 romane familie so gejnjena 40 džene.
Vakerena kaj o šartia dživdipaske akana si pošukare numa angleder kana sine an o kampia numa panda si but phare, soske but tikno kotor olendar kerena buti, pa odoleske soske kerena borči ko dukjane, ko rabuši, a palo odova iranen o borči kana len socialno jali o love so dena len e čhavenge.
Ko kampi taro UN an i Kosovakiri Mitrovica thaj Leposavić palo konflikti an o Kosovo, sine paše 1.000 Roma . Akala kampia sine locirime ko pašipa e rudnikoske Trepča, so palo odova phanlile sebepi riziko kaj isi kontaminacia.
Sar so havljarela o New York Times ko štartodi o Roma so dživdinen sine ko akala kontaminirime kampia, šaj te resen kompenzacia thaj jertisaripa tari rig taro UN soske ola dži akana na lele nisavo džovaplipa taro masovno toksiko kerdo zijani taro plumbumi – olovo. I decizia so si dendi panda ko 26 fevruari an i konsilo panel diskusia manušikane hakoenge, so si le funkcia an i UN misia an o Kosovo, akcentirinen kote o UNMIK na reslja te kerel protektiva e romane familienge so dživdinen sine an o akala kampia palo agor e maripaske.
Konkluzia si kaj i Misia si došali soske mukhlčja o Roma beršencar te dživdinen ko akava kampia trujal o o manuša but drom nasvalile taro toksiko elementia so sine odothe .
