Ivana Marković tari beogradsko romani mahala Mali Leskovac si phanli soske si telel o kriso kaj ple 11 masekonger čhija Zorana thargjala tate panjea ko pre. I tikni Zorana si thardi ko kmurko rakajte khere ko Mali Leskovaca.ko vakti kana sine pe dijaja i Ivana. I policia bašo ratavrina tari tikni sine informirimi rigatar tari io hospitali Tiršova.
Ko pučiba sr šaj sine o bebe te tharel pe i Ivana vakergja kaj olakiri tikni čhaj ali paše uzal o šporeti “smederevac” thaj irangja o kazani tate panje upral peste.
Tari i policia vakeren kaj i Ivana ko sasto vakti tari rodaripaskoro aktiu trampinel sine o raportia ko desave detalia, sebepi so o Kriso taro Beograd rodingja tari policia te phanen ola. Oj si akana šubikerdi soske kergja terori upral tikno čhavo, kote šaj te ovel phanli dži ko 3 berš.
O rom tari Ivana i Muamet , inače očuvi e tiknjake na manglja te del komentari numa nervozno dophergja: Sar šaj i policia te vakerel kaj si neko došalo, a na zojrakergja i doš. Me džanavvkaj i Ivana na kergja odova pe čhajake. O komšie vakerena kaj o Muameti em i Ivana dživdinen barabutne.
” O Muameti alo ki akaja mahala angleder štar berša. Sine naglutne da prandime isi le štar čhave, kote so dživdinen olea babarutne e Ivanaja thaj olakiri tikni čhaj.” vakeren o komšie.
