I čeren taro Napoleon Bonaparta šaj nikana te na ovel sine odokhare učeste sar piedestali te na sine o Aleksandar Suvorov te ovel sine polungo dživdo. Ko vakti taro oleskoro lungo dživdipa (1730-1800) lelja than ko efta bare maripa, legargja 60 viktorie em na našavgja ni jekh mariba! O Suvorov sine diferentno taro aver generalia ko odova periodo – leskiri taktika sine te kerel pohari atko, defanzivno em te kerel atako kana o rivalo sine pobuter dženencar. “Valjani te mare tut džanlipaja, a na numero askerea” sine leskoro antvorto. „ Ko than pire askere te čhivel len ki bari jag, te kerel pe sig atako bajonetea trujal so sijan inferiorni numero askerea. “ O kuršumi i dilo, a o bajoneto si herojo” vakerel sine ov.
O duj majbare generalia ko odova periodo – Napoleon Bonaparta em o Suvorov -majpakjavutne šungje jekh javereske. “ Ov si heroi, baro voini , ov si magioničari” hramosargja o generali Suvorov sar dikhel e Napoleone, pire unukoske O Bonaparta sine poskromno ko falibe averen numa vakerel sine kaj e SSuvorov si le ilo, godi sar baro generali. Na dđanel pe salde koj olendar si pošukare ko mariba, soske ola nikana na sine len dikrektno dueli ko mariba maškar peste.
