Ki platforma kote than ka len sa o rom,ane partie – akava o lideri taro Sojuzi e Romengoro , Amdi Bajram dikhel le sar faisali e problemenge taro etnikane jekhina.
Sa o Romane politikane partie te kera uniba ki jekh platforma ko avutne alusariba thaj te kera bari viktorias – si o mesaži taro lideri e Sojuzi e Romengoro Amdi Bajram so bičhavgja dži ko delegatia ko Pandžto Kongresi e partiake so akava berš notirinela 20 berša taro fundiriba.
„Na bikina amen pobut varoske, mareske, zejtineske, tikne lovenge…Butu, salde buti valjani” akcentiringja o Bajram.
Internacionalno investicie, bajraripa e turizmeske, subvencie an o agrari thaj reforme an o sastipa si nukte tari partisko programa taro VMRO – DPMNE so kergja realizacia arkaja taro koaliciono partneriam a olatar si benefit sa o dizutne – vakergja o prezidenti taro VMRO -DPMNE Nikola Gruevski. Ov notiringja kaj ko bakhle deš berša an o kontinuiteti pheren pe o niamia e romane jekhinake ko čhani kote si šajdipa an i edukacia, dajakiri čhib thaj respektiriba e nacionalno divesenge. Avdive, notirinel o Gruevski, o Roma si integririme an o sistemi ko sa o sfere taro sasoitnikano dživdipa.
