O ministeri baši edukacia thaj uka an i Bugaria Meglena Kunova, vice ministeri Dian Stamatov, konsilieri bašo integracie Kalojan Damjanov, o direktoria taro štar direkcie an o Ministerimu baši edukacia thaj uka, membria taro edukaciakoro centari baši integracia thaj aver ekspertia an i edukacia kergje lafi bašo problemia e edukatorencara – profeosria Roma.
O lafikeriba sine an o Centari Amalipa thaj ko Ministerimu baši edukacia ko 7-to Parili dive anglal o Internacionalno Romano dive, a ikergje pe ko ofiso taro korkoro Ministeriumi. Moderatori ko akava dikhiba sine o nacionalno eksperti o d-r Josif Nunev.
“Trubul te kera majbari zor te šaj progresirinel pe ko umalja tari edukacia thaj o Romane studentia” vakergja o ministeri Kuneva ko korkoro starti. Oj fokusiringja pe an o problemia e hulavipaja thaj mukhiba i edukacia thaj olakoro procesi . Amen siem ekspertia ko planiriba thaj keriba startegie, numa importantno si te kerel pe strategia bukjake. Akana si vakti te notirinel pe kote isi programe thaj love, thaj te kera maksimum odolestar” apeliringja i Kuneva. Premal olakere lafia aktia sikceseske si importantno thaj te sikaven pe o lideria ko odova drom.
