O renomirimo autori, akademiko thaj antropologisti o Prof.Dr. Shyam Singh Shashi gelo maskar baro numeto manusa an o Delhi i them Arya Samajists thaj bichavgja apeli te saj respektirinel pe o Roma thaj olengiri kultura. Manusa, chave thaj romnja khedingje pe ko jekh kvarti an o Delhi notiriba i ceremnonia 8-to Parilo sar historiknao momenti ko FICCI ko Centralno Delhi,. Akaja si salde koincidencia kote ko jekh dive kerel pe o Romano Dives thaj e Indiakoro nevo bersh, perena ko jekh dive. O Dr Shashi bichavgja apeli dji ko sa kulturno thaj religiakere organizacie an i them Delhi te kerel pe arka e Romane populaciake thaj i India te anel deklaracia an o Nacionalno nivelo kaj o majpurane Roma si kotor tari Indiakiri diaspora.
Pali akaja ceremonia thaj notiriba e Romane diveseske tari rig e akademicariam, autoria, profesoria o Romano dive kergje le tajah aver organizacie thaj Fondacie ko Rodaripaskoro Romano Centar Rohini Shiksha Bhavan an o Delhi.
Anglutne an o 7- to April, o Dr Shashi sine misafiri ko utsavakeriba e Romane diveseske so kergje le o ARSP -to Pravasi Bhavan Delhi , Dr. Shashi Bala, Ambassadors-Mr Shashank , Mr. Malay Mishra, Mr. J.S Sapra, Dr. Nidhi Trehen, Dr. Punita Singh , Mr. S.P. Pillai thaj aver kergje plo lafikeriba e Romane diveseske .
