O delegato thaj membro an o Prezidiumi tari Internacionalno Romani Unia – IRU o Mite Hasim sine organizatori e akaleberšeskoro notiriba e Internacionalno Romane diveseske 8-to Aprilo an i Bosna thaj Hercegovina.
Odoleske an i komuna Vogošča, kantoni Saraevo an i konekcia thaj relacia e načalnikoncar thaj membria taro ministeriumi nacionalno minjoritetenge an i Bosna thaj Hercegovina sine notirime o dive e Romengoro.
Ko akava notiriba trujal o džene taro romane NGO sektori tari Bosna thaj Hercegovina, thaj aver uče membria taro komunalno thaj regionalno institucie thaj aver manuša.
Trujal o startno lafikeriba thaj zapendžariba e misafiren akale diveseske sine akcentirime o akcie thaj plania su trubul re len pe baši majsukceisali inkluzia e Romenge tari BiH.
O Mite Hasim sar učo membro an o IRU akcetiringja kote ov thaj o IRU keren zori bašo majlačheste nivelo e socialno, ekonomikani thaj edukaciakoro nivelo ko Roma tari Bosna thaj sakote an i Lumia.
Ko agor akale momenteske sine notirime tikno kokteli thaj bajrakerdo kulturno programaja.
