Ko than kote o Elvis Beriša dživdinela sine sine thardo o kher a palo odova peravdo avdive si e Policiakiri akademia taro Montennegro.
Odova si ko škurto kotor taro o čhavoripa taro akava kriminologo em romano aktivisti kaskiri familia našlja taro Danilovgrad ko 1995 berš.
– Liparav kana o inspektori khuvgja ki amende khera čhivgja amenge elktirkani bateria a amen o čhave pašljova sine telel ko dušeko jekh uzal aver sar sardine Vakergja trubul te džan tumenge tari mahala. Amen rovaja sine em ko javinakere saatia iklilem taro o khera.
Sar presidenti e romane NGO -Phiren amenca, em membro ki inicijativa UPRE akcentiringja kaj o pladiba e Romengoro taro Danilovgrad ulo sebepi so sine kerdo jekh silujbe kote involvitrime sine em nekobor persone taro romano nacionalitetoa.
I them palo odova telal kerdi presia taro UN pukjingja lovengiri kompenzacia pše 70 familienge ama ko mediumia odova na sine nikana lipardo.
Sine bibahtalo dive. Khedingje pe pherdo manuša taro odova regioni em insisitirinen sine te dža amenge. I policia sa dikhel sine odova numa na kergja nisavi reakcia. Nekobor phureder manuša mangle te keren lafi ama bizi šansa deka ka ovel sukcesi . A trubul te džana kaj o Roma nikana na kergje maripa ki historia.
