Ko avipa em notiriba o 8 April Internacionalno Romano dive, o prezidenti e partiake Sojuzi e Romenge thaj deputati an o Makedonikano Parlamenti o Amdi Bajram, thaj e dizjakoro serutno an i komuna Suto Orizari Elvis Bajram , si organizatoria bare muzikakere spektakleske an o centari e komunake Suto Orizari. O spektakli ka startujnel taro 20 o caso a than ka len pendzarde romane estradno anava sar so si o Ramko, Erdzan, Ahemt, Bernat, Ervin, Dzefrina, pobuteder grupe thaj orkestria thaj aver giljavutne anava.
Anglutne akaja cipota o Sojuzi e Romengoro ko Aleksandar Palas ka ikerel plo 5-to Kongresi kote ka alusarel pe nevo legaripa akle romane politikane partiakoro.
