Ko dujto di 5 aprili 2016 berš taro 12:30 o saati i ambasadorka tari SR Germania , d-r Kristine D. Althauser , an o foaje taro NUB “Sv Kliment Ohridski Skopje” phravgja i izložba “O Holokausti upral o Roma thaj Sintia thaj avdisutno rasizmo an i Europa”. Ki akaja izložba than lelja taro o prezidento tari Internacionalno Romani Unia – IRU o rajo Zoran Dimov.
O Forumi Civilno Tromalo Servisi (forumi ZDF) finansiko teloikerdo tari Fondacia „Remembrance, Responsibility and Future“ ikergje praktikani buti terne Romencar, so keren sine buti an i tema e izložbake. O impresie thaj o rezultatia taro akala ofisia ka oven sikavde I sasti ceremnonia sine legardi taro romano jazz bendi. I izložba ikljol taro Centari dokumentaciake thaj kulturake taro germansko Sintia thaj Roma (Heilderberg) ki konekcia e buteder romane nacionalno organizacie an i Europa. Oj dokumentirinel o nacional – social genocid upral o Sinti thaj o Roma tari olengiri marginalizacia thaj leiba o niamia an i naconal – socialistikani Germania thaj olengoro sistemsko eliminaciua an i okupirimi Europa.
O agorutno kotor tari izložba si o aktuelno rasizmo mujal o Sinti thaj o Roma.
I izložba ka šaj dikhel pe tarp 06 dži ko 16 aprilo 2016 berš.
Bukjarno vakti e NUB “Sv Kliment Ohridski Skopje ” si taro palokurko dži o savato taro 10 dži ko 18 o saati.
