Ko nakhlo kurko ko diz Krakov an i Polska o alusardo vice prezidento taro IRU tari Polska o Gerard Linder, sine le dikhipa e polsko govermentea kote dingja plo raporti thaj informacie bašo aktuelno aktivitetia taro IRU thaj o akana sig agorkerdo 10-to IRU Kongreso an o Skopje – Makedonia.
O Linder informiringja kote o IRU ka keren buti bašo sa o problemia so arakhen pe o Roma an i sasti lumia, thaj ko jekh o akcenti e polsko Romencar. Ov ko plo raporto notiringja kote nevo prezidenti an o IRU si o rajo Zoran Dimov, thaj kaj ov Gerard Linder si vice prezidenti an o IRU.
Aver teme tari diskusia sine bašo o kerdi diskriminacia e Romenge taro than Malopolska, thaj trubul o poslko govermenti te iranel majbari sama akale romenge thaj ma te kerel disriminac ia thaj segregacia. Ko jekh o Linder notiringja kaj valjani te vauzdel pe o nivelo tari edukacia an o škole e Romane polsko čhavenge.
O polsko govermenti dengja lafi kotze an o avutno periodo ka kerel zori te del informacia thaj te del majbari arka e romane jekhinake so dživdinel an i Polska. Ko akava mitingo than lele thaj aver 15 romane organizacia tari Polska.
