An o 21 mart 2016 berš an o TV kanali Rusia 1 anglal milionsko auditoriumi sine sikavdo dokumentarno filmi taro Boris Sobolev, so si pherdo nakamipaja mujal o Roma. O Romano civilno sasoitnipa sar notacia ko protesti akale filmea thaj mujal producenti, tv kanali bičhavghja reakcia soske o filmi si pherdo stereotipia thaj hovavina so si konektirime e Romencar.
Dži kote dđanen i rusko čhib šaj te šunen i naracia akale dokumentarno filmeske so isi le naadekvatno scenario kote keren fingirime intervjua e pendžarde rusko Romencar thaj aver roma a kamen te minimizirinen o pozitivno momentia e Romenge thaj ko jekh sikaven pučipa ntaro kriminaliteti thaj bikiniba droga tari rig e Romane jekhinake.
Ko sig vakti udžarela pe akale filmeske majbari reakcia tari romani jekhin an i Rusia thaj averial olatar kote o filmi ka ovel kerdi translacia an i anglikani čhib.
Ko maškar vakti okola so pendžaren i rusiakiri čhib šaj ko akava linko te dikhen akava kontraverzno dokumentarno filmi.
Link:
https://www.youtube.com/watch?v=5pE7U9N5gSc
