Ko Berlino ka konektirinel pe dokumentarno em memorijalno centro baši historia e dujto lumiakoro maripa em o nacional socijalizmi akcentea emn fokusea o viktimia so niko dži akana na percepririnel len sine.
Odoleske gi Germania ačhilo paše na notirime em nadikhlo o dive 9 Oktobro kana o Bundestago angja historikani decizia te čhiven lipar sa e vitkimenge taro germansko destruktivno maripa em o režđimo ko vakti tari okupacia ko Dujto lumiakoro maripa . Odova trubul te ovel dokumentoedukativno em memorialno centro te sikavel o historikano konteksti te vakerel o bibahtalipa so angja o maripa ki Europa em Germania , em te ačhol ki memoria e darhienge taro viktimia. EGermaniakere hovermento si la roko dži ko agor e 2020 beršeske te kerel plani baši implementacia akale deciziake. Kana kerel pe lafi e Dujto lumiakere maripaske e germaniakoro parlamento m o političaria o histričaria em aver ate istemalkeren I terminologia Vernihtungskrieg – germansko telepravipaskoro maripa maripa dži ki eliminacia. Odova sine maripa kaskiri mangin sine saste te peraven e themen m nacien em etnikane grupe – masovno mudaripa jali eliminacia e dživdipaske.
